Þetta er grunnáfangi í sálfræði og ætlað að kynna nemendum fræðigreinina sálfræði, eðli hennar, sögu og þróun. Helstu sálfræðistefnur eru kynntar og grunnhugtök. Þá er fjallað um starfssvið sálfræðinga og helstu undirgreinar. Nemendur kynnast rannsóknaraðferðum sálfræðinnar bæði bóklega og verklega. Fjallað er sérstaklega um námssálfræði bæði á fræðilegan og hagnýtan hátt og nemendur læra um mismunandi tegundir náms, einkum einfalt nám (tengslanám). Þau læra um mismunandi tegundir minnis og hagnýtar minnistækniaðferðir. Fjallað er aðeins um samspil hugsunar, hegðunar og tilfinninga.
Hæfnieinkunn C í samfélagsgreinum úr grunnskóla eða 1. þrep í íslensku
Nemandi skal hafa öðlast þekkingu og skilning á:
umfangi og viðfangsefnum sálfræðinnar
þeim vísindalegu vinnubrögðum sem tíðkuð eru í greininni
helstu þáttum í sögu sálfræðinnar
meginsjónarmiðum innan greinarinnar (hugfræði, sálkönnun, atferlisstefnu, líffræðilegu sjónarmiði og mannúðarsálfræði)
ýmsum rannsóknum og kenningum um minni, t.d. kenningum um þrískiptingu minnis, mismunandi stig og tegundir minnis
líffræðilegum undirstöðum kenninga
námskenningum bæði viðbragðsskilyrðingu og virkum skilyrðingum ásamt fleiri þáttum tengdum námi
réttri notkun heimilda
ýmsu sálfræðitengdu eins og geðheilsu, geðröskunum, starfsemi heila og tauga og HAM
Nemandi skal hafa öðlast leikni í að:
skilgreina, útskýra og beita helstu hugtökum greinarinnar
gera einfaldar tilraunir og aðrar einfaldar rannsóknir
móta hegðun með jákvæðri styrkingu
leita sér gagnlegra upplýsinga um sálfræðileg efni
skrifa stuttan og skýran texta um sálfræðileg efni
vísa til heimilda á réttan hátt
lýsa því hvernig mismunandi sjónarmið sálfræðinnar geta skýrt sama atvikið á mismunandi hátt
beita hugtökum viðbragðsskilyrðingar og virkra skilyrðinga
átti sig á mismundi einkennum geðraskana og hvenær og hvert er hægt að leita aðstoðar
rökræða um sálfræðileg álitamál
svara skriflega eða munnlega spurningum um efnið
Nemandi skal geta hagnýtt þá almennu þekkingu og leikni sem hann hefur aflað sér til að:
hanna og gera einfaldar rannsóknir og skrifa skilmerkilegar skýrslur um þær eftir þeim reglum sem tíðkast
skilja einföld sálfræðileg lögmál eins og virkar skilyrðingar og geta mótað hegðun með jákvæðum styrkjum (eða vitað hvernig það gerist og hvaða aðferðir eru áhrifaríkastar), vita hvernig hægt er að bregðast við fælni og fleira
kunna að afla sér staðgóðrar þekkingar og yfirfæra þekkingu yfir á eigið líf
bera kennsl á fáeinar geðraskanir t.d. þunglyndi eða geðklofa (misjafnt hvað er farið í) og vita hvert eða hvernig er best að leita hjálpar
geta nýtt sér þekkingu á minni og námi til að auðvelda sér skólanám (nýta það í daglegu lífi)
geta lesið úr tölfræðilegum gögnum og metið gæði rannsókna sem lesið er um í fjölmiðlum
skilja fjölbreytileika fólks og hafa nokkurt umburðarlyndi með því
Námsmat er útfært í kennsluáætlun í samræmi við skólanámskrá