Meginviðfangsefni áfangans er menningarsaga í þeirri mynd sem vísar til lifnaðarhátta og lífstíls almennings, á veraldlegu eða andlegu sviði. Athygli beinist annars vegar að íslenskri menningu í þessum skilningi og samanburði og tengslum hennar við umheiminn, allt frá tíma hins „gamla samfélags“ 19. aldar til hinnar fjölþjóðlegu menningar á síðari hluta 20. aldar.
SAGA1ÞM05
Nemandi skal hafa öðlast þekkingu og skilning á:
þeim þætti menningarsögunnar sem lýtur að lifnaðrháttum almennings
megininþáttum hinnar hversdagslegu lífsbaráttu almennings í „gamla samfélaginu“
áhrifum atvinnu- tækni- samgöngubyltingar á hið fábreytta samfélag á Íslandi
nývæðingu og alþjóðavæðingu íslensks samfélags
Nemandi skal hafa öðlast leikni í að:
kanna aðgengilegar frumheimildir um almenna lifnaðarhætti og menningu fyrri tíðar
rýna í heimildir á borð við endurminningar, ljósmyndir, landakort og myndlist
kanna einstök menningarsöguleg viðfangsefni upp á eigin spýtur
rekja samhengi almennrar söguþróunar og menningarlegrar framvindu
fjalla um sögulegt efni á skipulegan hátt og ræða það við samferðafólk sitt
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir óhlutbundnum viðfangsefnum á borð við tíðaranda og menningu
gera sér grein fyrir breytileika þessara viðfangsefna milli menningarheima
geta horft fordómalaust til framandi menningarsamfélaga á borð við íslenskt samfélag fyrri tíðar
geta fjallað á hlutlægan hátt um þessi efni í stuttum ritsmíðum með fræðilegu sniði
Námsmat er útfært í kennsluáætlun í samræmi við skólanámskrá