Í áfanganum er viðfangsefnið bókmenntasaga og bókmenntir fyrri alda; Eddukvæði, Íslendingasögur, lærdóms- og upplýsingaröld. Áframhaldandi þjálfun nemenda í ritun og sköpun.
ÍSLE2HB05
Nemandi skal hafa öðlast þekkingu og skilning á:
gildi íslenskra miðaldabókmennta fyrir menningu nútímans
hugmyndaheimi norrænna manna eins og hann kemur fram í bókmenntunum
orðaforða sem nægir til að lesa helstu verk íslenskrar bókmenntasögu
öllum helstu bókmenntahugtökum, mismunandi tegundum bókmennta og tímabilum í íslenskum bókmenntum fyrri alda
ritgerðarsmíð og heimildavinnu
Nemandi skal hafa öðlast leikni í að:
túlka efni bókmenntatexta
koma efni frá sér á greinagóðan hátt, skriflega og munnlega
finna eigin veruleika stoð í veruleika bókmenntanna
lesa sér til gagns og gamans texta frá fyrri öldum
beita bragfræðireglum
nýta sköpunargáfu og sýna sjálfstæði við úrvinnslu verkefna
beita innsæi og ímyndunarafli í ræðu og riti
flytja vel uppbyggða kynningu á krefjandi efni
skilja lykilhugtök og greina mismunandi sjónarmið
Nemandi skal geta hagnýtt þá almennu þekkingu og leikni sem hann hefur aflað sér til að:
skrifa skýran og vel uppbyggðan texta
vera skapandi í skrifum sínum
beita gagnrýninni hugsun við lestur, túlkun og úrvinnslu krefjandi texta
sýna frumkvæði og sjálfstæði í vinnubrögðum
kynna eigin sjónarmið og tjá rökstudda afstöðu í umræðu
setja fram skoðanir sínar og virða skoðanir annarra
skilja menningu ólíkra tíma
túlka dýpri merkingu texta og færa rök fyrir máli sínu
þroska bókmenntasmekk sinn og lesa sér til ánægju
Námsmat er útfært í kennsluáætlun í samræmi við skólanámskrá