Í áfanganum er lagður grunnur að þekkingu nemenda á eðlisfræðilegum lögmálum í tengslum við sérnám þeirra í bíliðngreinum. Fjallað er um hin þrjú lögmál Newtons, tregðu, kraft og heildarkraft. Fjallað er um þverkraft, núningskraft og núningsstuðul, massa og þyngd, vinnu, afl, hreyfiorku, stöðuorku, varðveislu orkunnar, varma, nýtni véla og jafngildi massa og orku. Ennfremur er farið í þrýsting í vökva og lofti samkvæmt reglu Pascals og uppdrif samkvæmt lögmáli Arkimedesar.
Fjallað er um helstu efni sem notuð eru í viðhaldi/viðgerðum ökutækja, svo sem smurolíur, smurefni, eldsneyti, kælimiðla, sýrur og þéttiefni, gerð þeirra og eiginleika. Einnig málma og fjölliður (plast og gúmmí). Megináhersla er lögð á að nemendur læri örugga meðferð og umgengni (við) um efnin, góða nýtingu þeirra og hvernig farga skuli efnum.
Nemandi skal hafa öðlast þekkingu og skilning á:
SI einingakerfinu og afleiddum stærðum þess
fyrsta, öðru og þriðja lögmáli Newtons
reglu Pascals um þrýsting í vökva
lögmáli Arkimedesar um uppdrif
helstu orkuformum og breytingu eins orkuforms í annað
helstu efnum sem notuð eru í og við ökutæki
gerðum og eiginleikum fastra, fljótandi og loftkenndra efna sem tengjast ökutækjum
Nemandi skal hafa öðlast leikni í að:
leysa verkefni um varðveislu orkunnar m.a. um breytingu stöðuorku í hreyfiorku og hreyfiorku í varma
reikna nýtni vélar út frá gefnum forsendum
nota reglu Pascals og lögmál um þrýsting í vökva til að útskýra hvernig loftvogir og vökvalyftur vinna og geti reiknað út einföld dæmi um þrýsting í vökva
nota lögmál Arkimedesar til að reikna út uppdrif hluta
meðhöndla efni til förgunar
meðhöndla hættuleg efni
teikna og reikna út kraftamyndir á skáfleti
reikna núningskraft út frá núningsstuðli
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra mismuninn á massa hlutar og þyngd hans
lýsa hlutverki, eiginleikum og meðhöndlun efna
lýsa meðferð og umgengni (við) um efni
lýsa hvernig skuli farga efnum
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.