líkamsbeiting, notkun trésmíðavéla, öryggisbúnaður
Samþykkt af skóla
2
4
AV
Áfanginn er framhald áfangans TRÉS1AB01, þar sem byggt er ofan á þann grunn sem nemendur hafa þegar öðlast. Í áfanganum er lögð áhersla á flóknari vélar eins og fræsara, tappaskurðarvél, spónsög, límingarpressu, pússivél, dílaborvél og kantlímingarvél. Farið er yfir notkunarmöguleika vélanna ásamt skilgreiningu á öryggisbúnaði og hjálpartækjum við notkun einstakra véla, líkamsbeitingu og öryggisatriði, val á verkfærum í tiltekin verk og hvernig skipt er um verkfæri í vélunum. Lögð er áhersla á notkunarleiðbeiningar og merkingar á tækjum og búnaði. Í áfanganum öðlast nemandi færni í véltrésmíði sem líkastri vinnu á trésmíðaverkstæðum í atvinnulífinu ásamt vitneskju um ábyrgð sína í umgengni við vélar og að takast ekki á við vélvinnslu án fullnægjandi undirbúnings, hjálpar– og öryggisbúnaðar. Kennsla í áfanganum byggir á innlögn frá kennara þar sem hann sýnir og útskýrir grunnatriði við notkun og öryggisatriði algengustu trésmíðavéla. Að öðru leiti er áfanginn verklegur þar sem nemendur fá þjálfun í notkun vélanna. Áfanginn er ætlaður nemendum í húsa– og húsgagnasmíði.
TRÉS1AB01
Nemandi skal hafa öðlast þekkingu og skilning á:
uppbyggingu og notkun algengustu trésmíðavéla
öryggiskröfum sem gerðar eru við vinnu við trésmíðavélar
Nemandi skal hafa öðlast leikni í að:
nota trésmíðavélar við vinnu á gegnheilum viði og plötum á öruggan hátt
ganga um trésmíðaverkstæði sem vinnustað
velja bitverkfæri við hæfi
framkvæma ýmsar gerðir trésamsetninga
reikna efnismagn og nýtingu
efna niður plötuefni með tilliti til nýtingar
nota persónuhlífar við verkstæðisvinnu
nota öryggishlífar á trésmíðavélum
Nemandi skal geta hagnýtt þá almennu þekkingu og leikni sem hann hefur aflað sér til að:
vinna með gegnheilan við og plötur í trésmíðavélum
nýta efni á sem hagstæðastan hátt
leysa af hendi algengar samsetningar á plötuefni
gera sér grein fyrir því hvaða hættur eru fyrir hendi við vélavinnu og bregðast við þeim á réttan hátt
vera ábyrgur við notkun og umgengni við trésmíðavélar
starfa á trésmíðaverkstæði
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en fylgja þarf þeim reglum sem kveðið er á um í skólanámskrá VMA.