Setningarfræði, menning og saga Rómverja, orðaforði
Samþykkt af skóla
2
13
Kenndar eru sex stundir á viku. Farið er rækilega í helstu atriði beyginga- og setningafræðinnar. Lesnir eru meðalþungir kennslubókartextar og frumtextar á síðara misseri. Bókmenntatextar í samfelldu máli eru lesnir, þýddir, greindir málfræðilega og útskýrðir efnislega. Tengsl latneskra orðstofna við nýmálin eru útskýrð og fjallað er um menningu og sögu Rómverja í máli og myndum í tengslum við lesefni. Stefnt er að því að nemendur fornmáladeildar fari einu sinni á námsferlinum (í 5. eða 6. bekk) í Rómarferð á vegum skólans.
LATÍ1MÁ09
Nemandi skal hafa öðlast þekkingu og skilning á:
almennri setningafræði klassískrar latínu
meðalþungum orðaforða klassískrar latínu
sögu og hugmyndaheimi Rómverja með áherslu á 1. öld fyrir Krist
Nemandi skal hafa öðlast leikni í að:
lesa og skilja meðalþunga kennslubókartexta og frumtexta af nákvæmni
greina meðalþunga texta málfræði- og setningafræðilega
þýða á latínu meðalþunga texta í samhengi
þýða á íslensku meðalþunga latneska texta með hjálp orðabókar
nota latneskar orðabækur
tjá sig um latínu sem fræðigrein með viðeigandi fræðiheitum
Nemandi skal geta hagnýtt þá almennu þekkingu og leikni sem hann hefur aflað sér til að:
hefja lestur latneskra frumtexta
skilja tengsl latínu og vestrænna tungumála almennt og hagnýta sér þau við annað nám
skilja betur sérkenni rómversks menningarheims, sögu, lista, bókmennta og vægi hans sem undirstöðu vestrænnar menningar
Nemendur leysa að jafnaði eina skriflega æfingu vikulega, stíl upp úr því námsefni sem til umfjöllunar er hverju sinni eða ólesna þýðingu ótengda námsefni. Eitt stórt hópverkefni er gert á skólaárinu, útgáfa Latínublaðsins Idus Martii. Skyndipróf eru að meðaltali tvö á hvoru misseri.
Námseinkunn byggir á mætingu, virkni í tímum, verkefni (Idus Martii) og meðaltali í skriflegum æfingum, jafnt vikulegum stílum og ólesnum þýðingum sem stærri kaflaprófum.
Jólapróf: Skriflegt próf í 90 mínútur.
Vorpróf: Skriflegt próf í 90 mínútur.