Í þessum grunnáfanga í eðlisfræði er farið yfir hreyfingu hluta í einni og tveimur víddum, kraftalögmál Newtons, orkuvarðveislu, varmafræði og þyngdarlögmálið. Áhersla verður lögð á skilning nemandans á efninu og að hann geti tengt það við raunveruleg vandamál.
NÁTT2GR05 og STÆR2HH05
Nemandi skal hafa öðlast þekkingu og skilning á:
helstu grunneiningum í eðlisfræði
útreikningum á vigrum
sambandi staðsetningar, hraða og hröðunar hluta
hreyfingu hluta í einni og tveimur víddum
helstu kraftalögmálum
hreyfingu hluta á skáflötum
vinnu og afli
orkulögmálum
varmafræði
Nemandi skal hafa öðlast leikni í að:
reikna og teikna línurit af staðsetningu, hraða og hröðun hluta eftir beinni línu
sundurliða krafta
nota kraftalögmál í útreikningum á hreyfingu hluta
reikna út vinnu og afl
reikna skriðorku og stöðuorku
reikna út skriðþunga
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæði og frumkvæði í vinnubrögðum
bera ábyrgð á eigin námsframvindu
vinna í hóp til þess að leysa raunveruleg vandamál með eðlisfræði
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.