Í áfanganum er unnið með alla færniþætti tungumálsins: skilning á skrifuðu og töluðu máli, tjáningu í samskiptum og frásögn og ritun, þar sem tekið er mið af A1 í Evrópska tungumálarammanum.
Áhersla er lögð á að nemendur átti sig á undirstöðuatriðum talaðrar og ritaðrar dönsku.
Hæfnieinkunn D úr grunnskóla
Nemandi skal hafa öðlast þekkingu og skilning á:
grunnorðaforða, sem tengist persónulegum aðstæðum þeirra, fjölskyldu og nánasta umhverfi
Nemandi skal hafa öðlast leikni í að:
lesa stutta texta, sem tengjast kunnuglegum málefnum
skilja einfalt talað mál, þegar talað er hægt
tjá sig munnlega og skriflega um atriði er snerta þá sjálfa
notfæra sér orðasöfn
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér einfaldar og hagnýtar upplýsingar úr stuttum textum
nýta sér þekkingu sína og leikni til skilnings á einföldu og hægu töluðu máli
geta sagt frá sjálfum sér og fjölskyldu sinni
geta ritað stuttan texta með einföldum setningum
Námsmat er útfært í kennsluáætlun í samræmi við skólanámskrá.