Það kom upp villa senda inn  Áfangi

    Áfangi Nánari upplýsingar


    Búið til: 1458575497.48

    aðstoð og umönnun
    ASUM2UA05
    3
    Aðstoð og umönnun
    Umönnun og aðhlynning
    Samþykkt af skóla
    2
    5
    Í þessum áfanga munu nemendur læra helstu atriði er varða líkamlega umönnun og aðhlynningu einstaklinga með skerta sjálfsbjargargetu. Nemendur fá fræðslu og þjálfun í að nota einföld hjúkrunartæki og hjálpar- og stoðtæki. Nemendur fá fræðslu um mikilvægi sýkingavarna við umönnunarstörf. Algengir sjúkdómar, svo sem smitsjúkdómar, hjarta- og æðasjúkdómar, sykursýki og krabbamein eru kynntir og nemendur kynnast almannatryggingarkerfinu og reglum er varða aðgengi. Nemendur fá innsýn í skipulag heimaþjónustu.
    Nemandi skal hafa öðlast þekkingu og skilning á:
    • hvernig sjálfsbjargargeta fólks er metin.
    • hvernig á að aðstoða og túlka óskir einstaklinga við grundvallarathafnir daglegs lífs.
    • notkun algengra hjúkrunartækja.
    • notkun hjálpar- og stoðtækja.
    • mikilvægi sýkingavarna.
    • umhirðu húðar og legusáravörnum.
    • tannburstun og mötun.
    • aðstoð við blinda og sjónskerta.
    • aðstoð við heyrnarskerta og daufblinda.
    • almannatryggingum.
    • aðgengi og ferlimálum.
    Nemandi skal hafa öðlast leikni í að:
    • meta sjálfsbjargargetu fólks.
    • aðstoða einstaklinga við grundvallarathafnir daglegs lífs.
    • nota algeng hjálpar- og stoðtæki.
    • sinna eftirliti með þvagleka, bleyjunotkun og þvagpoka.
    • aðstoða einstaklinga við munnumhirðu og að matast.
    • aðstoða fólk með heyrnar- og sjónskerðingar.
    • skoða aðgengi að byggingum.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • greina þarfir og meta sjálfsbjargargetu fólks sem metið er með umræðum og verkefnum.
    • skoða og bera saman aðgengi fatlaðs fólks.
    • framkvæma aðgerðir eins og að mæla hita og tæma þvagpoka sem metið er með verkefnum og umræðum.
    • aðstoða einstakling við notkun á hjálpar-og/eða stoðtækjum sem hægt er að meta með verklegum og skriflegum æfingum.
    • aðstoða einstakling við húðumhirðu sem metið er með verklegum og skriflegum æfingum.
    • aðstoða einstaklinga með heyrnar- og sjónskerðingu. Metið með verklegum æfingum og öðrum verkefnum.
    • annast einstaklinga með mismunandi sjúkdóma og bregðast við aðstæðum sem geta komið upp við umönnun þeirra. Metið með umræðum, verkefnum og leiðsagnamati.
    • aðstoða fólk við að leita sér upplýsinga um réttindi sín. Metið með verklegum æfingum og öðrum verkefnum.
    • skoða og bera saman aðgengi fatlaðs fólks.
    Í áfanganum verður stuðst við fjölbreyttar námsmatsaðferðir og áhersla lögð á leiðsagnarmat. Nemendur vinna ýmiss konar verkefni sem metin verða, s.s. einstaklingsverkefni, hópverkefni, umræðuverkefni og netverkefni. Þeir taka einnig þátt í verklegum æfingum ásamt því að taka hlutapróf.