Í áfanganum er lagður grunnur að þekkingu nemenda á eðlisfræðilegum lögmálum. Fjallað er um þrjú lögmál Newtons: tregðu, kraft og heildarkraft. Fjallað er um þverkraft, núningskraft og núningsstuðul, massa og þyngd, vinnu, afl, hreyfiorku, stöðuorku, varðveislu orkunnar, varma, nýtni véla og jafngildi massa og orku. Ennfremur er farið í þrýsting í vökva og lofti samkvæmt reglu Pascals og uppdrif samkvæmt lögmáli Arkimedesar.
STÆR1AG05 (STÆ1A05)
Nemandi skal hafa öðlast þekkingu og skilning á:
SI einingakerfinu og afleiddum stærðum þess.
fyrsta, öðru og þriðja lögmáli Newtons.
reglu Pascals um þrýsting í vökva.
lögmáli Arkimedesar um uppdrif.
hels• reikniaðferðum sem beitt er í iðnaði.tu orkuformum og breytingu eins orkuforms í annað.
reikniaðferðum sem beitt er í iðnaði.
Nemandi skal hafa öðlast leikni í að:
leysa verkefni um varðveislu orkunnar, m.a. um breytingu stöðuorku í hreyfiorku og hreyfiorku í varma.
reikna nýtni vélar út frá gefnum forsendum.
nota reglu Pascals og lögmál um þrýsting í vökva til að útskýra hvernig loftvogir og vökvalyftur vinna og geta reiknað út einföld dæmi um þrýsting í vökva.
nota lögmál Arkimedesar til að reikna út uppdrif hluta.
Nemandi skal geta hagnýtt þá almennu þekkingu og leikni sem hann hefur aflað sér til að:
teikna og reikna út kraftamyndir á skáfleti sem er metið með skriflegum æfingum og prófum.
reikna núningskraft út frá núningsstuðli sem er metið með verkefnum og prófum.
útskýra mismuninn á massa hlutar og þyngd hans sem er metið með verkefnum og prófum.
reikna krafta, kraftvægi og hlutföll við gefnar aðstæður.
Verklegt mat: nemandinn sýnir þekkingu sína og hæfni með því að lýsa SI kerfinu, lögmáli Newtons og Arkimedesar og reglu Pascals með því að tiltaka og sýna dæmi. Skriflegt mat: nemandinn leysir próf þar sem reiknaðar eru stærðir varðandi massa og þyngd, vinnu, afl, hreyfiorku, stöðuorku, varðveislu orkunnar, varma, nýtni véla og þrýsting í vökva og lofti.