Nemendur nota vélræna eðlisfræði og ISO einingakerfið við skoðun krafta við ýmsar aðstæður í málmiðnaði. Nemendur kynnast grunnatriðum og hugtökum sem varða burðarþol í vélhlutafræði. Skoðað er með notkun handbóka hvernig þessi hugtök koma inn í efnisval, gerð burðarbita og öxla. Fjallað er um streymisfræði í vökvum, varmaflutning, einangrun og orkutap. Mikið er byggt á vinnu verkefna með notkun handbóka. Notaðar eru fjölbreyttar reikniaðferðir sem snerta flatarmál, rúmmál, eðlismassa o.fl. Skoðað er meðal annars með notkun handbóka hvernig þessi hugtök koma inn í efniskostnað.
IÐNA2EL05 (IRM2A05)
Nemandi skal hafa öðlast þekkingu og skilning á:
helstu hugtökum sem notuð eru við ákvörðun burðarþols í málmiðnaði.
helstu ISO einingum sömu hugtaka.
stærðum sem snerta streymi í vökvum og val röraþvermáls.
varmaorku og varmaflutningi.
reikniaðferðum sem beitt er í iðnaði.
Nemandi skal hafa öðlast leikni í að:
finna heppilegt efni og efnisform til notkunar við gefnar aðstæður.
finna heppilegan rörsverleika fyrir gefið vökvamagn.
reikna nauðsynlegt afl og nýtni við gefnar aðstæður.
reikna drifhlutföll og hraða við gefnar aðstæður.
reikna út ýmsar stærðir sem tengjast iðngreinum og breyta úr einni einingu í aðra.
Nemandi skal geta hagnýtt þá almennu þekkingu og leikni sem hann hefur aflað sér til að:
finna heppilega bitagerð og -stærð fyrir gefnar aðstæður.
velja heppilega röragerð og ákveða fyrirkomulag lagna út frá straumfræði og sem minnstu orkutapi.
reikna varmaorkuþörf og þekkja áhrif flutnings varmaorku á milli efna.
reikna vinnu, nýtni og aflþörf við gefnar aðstæður.
reikna nauðsynlegt efnismagn til framleiðslu einfaldra hluta.
vinna með helstu jöfnur aflfræðinnar.
reikna krafta, kraftvægi og hlutföll við gefnar aðstæður.
finna vinnu, nýtni og aflþörf við gefnar aðstæður.
Námsmat byggir á verkefnavinnu og prófum. Leitast er við að beita aðferðum leiðsagnarmats.