Áfanginn er í beinu framhaldi af FJÁR2FH05, fjármálalæsi. Áhersla er lögð á stærðfræðilega nálgun og þjálfun í útreikningum þar sem telja má að kunnáttan hafi almennt hagnýtt gildi. Fjallað er um markað fyrir helstu tegundir verðbréfa og meginatriði sem varða mat á fjárfestingavalkostum. Markmiðið er að gera nemendur kleift að taka upplýstar ákvarðanir í eigin fjármálum sem byggja á staðreyndum svo að þau verði sjálfbjarga í raunverulegum aðstæðum.
FJÁR2FH05 og STÆR2AF05
Nemandi skal hafa öðlast þekkingu og skilning á:
skuldabréfum og hlutabréfum
núvirði og framtíðarvirði
helstu vaxtahugtökum
muninum á nafnávöxtun og raunávöxtun
helstu kennitölur ársreikninga og hlutabréfa og vísitölur hlutabréfa
Nemandi skal hafa öðlast leikni í að:
reikna vaxtaupphæð, framtíðarvirði höfuðstóls, núvirði höfuðstóls, vaxtaprósentu í einföldum og samsettum vaxtareikningi
reikna kaupverð, gengi, afföll og yfirverð skuldabréfa og reikna virði verðtryggðra og óverðtryggðra skuldabréfa og greiðslur tengdar þeim hvort sem þau eru með jöfnum afborgunum eða jöfnum greiðslum
reikna kennitölur úr ársreikningum fyrirtækja og kennitölur hlutabréfa
reikna greiðslur, núvirði, framtíðarvirði og innri vexti greiðsluraðar
reikna með aðstoð núvirðisreikninga hver er hagkvæmasti fjárfestingarvalkosturinn
Nemandi skal geta hagnýtt þá almennu þekkingu og leikni sem hann hefur aflað sér til að:
lesa, greina og stjórna fjármálum sínum
leggja raunhæft mat á mismunandi fjárfestinga- og/eða lánatilboða sem hann kann að standa frammi fyrir
nota netið sér til öflunar fjármálalegra upplýsinga
Námsmat er útfært í kennsluáætlun í samræmi við skólanámskrá.