Grunnþættir áfangans eru lestur, tjáning og ritun. Til að ná þeim lesa nemendur fjölbreytta texta frá ólíkum tímum. Nemendur æfast í munnlegri og skriflegri tjáningu og réttri notkun heimilda.
B eða hærra úr grunnskóla
ÍSLE1LR05 eða 7 eða hærra úr ÍSLE1UN05
Nemandi skal hafa öðlast þekkingu og skilning á:
mismunandi tegundum texta og helstu hugtökum í bókmenntaumfjöllun
fjölbreyttum orðaforða
málfræði-, ritunarhugtökum og ritreglum sem nýtast í tal- og ritmáli
Nemandi skal hafa öðlast leikni í að:
lesa bókmenntatexta og aðra texta og geta fjallað um inntak þeirra
nýta upplýsingar úr heimildum á réttan hátt
flytja af öryggi ræður og kynningar
beita gagnrýninni hugsun við ritun rökfærsluritgerða og annarra texta
nota hjállpargögn við frágang ritsmíða
Nemandi skal geta hagnýtt þá almennu þekkingu og leikni sem hann hefur aflað sér til að:
túlka ólíka texta
nota handbækur til styrktar eigin málfærni
taka þátt í málefnalegum umræðum og komast að rökstuddri niðurstöðu
beita tilbrigðum í ræðu og riti
vinna að skapandi verkefnum tengdum námsefninu
Námsmat byggir á leiðsagnarmati þar sem nemandinn fær endurgjöf á það sem vel er gert ásamt ábendingum um það sem betur má fara. Við námsmatið er nýtt kennaramat, sjálfsmat og jafningjamat. Leitast er við að hafa námsmat sem fjölbreyttast til þess að sýna rétta mynd af þekkingu, leikni og hæfni nemenda.