Í áfanganum vinna nemendur sjálfstætt að eigin verkefnum undir leiðsögn kennara. Áhersla er á sjálfstæð og öguð vinnubrögð, frumkvæði og áræðni.
Nemendur vinna eitt eða fleiri viðamikil verkefni sem sýnd eru opinberlega í lok annar.
10 einingar ljósmyndun, þar af 5 einingar á hæfniþrepi 2.
Nemandi skal hafa öðlast þekkingu og skilning á:
samfélagslegu hlutverki ljósmyndunar
miðlun sköpunar sinnar í samhengi við ólíkar listastefnur
gildi rannsóknarvinnu
gildi hugmyndavinnu
Nemandi skal hafa öðlast leikni í að:
vinna sjálfstætt að undirbúningi og útfærslu eigin verkefna
skipuleggja verkferil í ljósmyndun og vinna samkvæmt því
kynna verk sín og tjá sig um þau á opinberum vettvangi
ræða á gagnrýninn og uppbyggilegan hátt um verk samnemenda sinna
vinna af öryggi með algengustu efni og áhöld
vinna með öðrum, þar á meðal að deila vinnuaðstöðu
umgangast búnað og tæki á ábyrgan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstraust og sjálfstæði í þróun hugmynda og sýna áræðni við útfærslu þeirra og túlkun
beisla ímyndunarafl sitt og nota innsæi og tilfinningar við sköpun
gera sér grein fyrir samfélagslegu, siðferðilegu og fagurfræðilegu hlutverki ljósmyndarans
greina, tjá sig um og meta eigin verk og annara af þekkingu, víðsýni og umburðarlyndi
öðlast hæfni til að meta listrænan styrk sinn og koma auga á hagnýtingu menntunar sinnar
geta staðið að opinberri sýningu og útskýrt verk sín fyrir gestum
þróa með sér aga, metnað, ábyrgð og jákvæðni í vinnubrögðum