Í áfanganum öðlast nemandinn leikni og færni í að blása ýmsar síddir af hári á mismunandi vegu og í ólík form á æfingarhöfðum dömu og herra og á módelum. Notast er við ýmsar gerðir bursta og hitajárna í ólíkar síddir af hári. Unnið með form- og bylgjublástur herra á æfingahöfðum.
HÁRG2GB03CH
Nemandi skal hafa öðlast þekkingu og skilning á:
vali og notkun mótunarefna.
þeim hitajárnum sem í notkun eru.
mismunandi tækni við dömu og herrablástur.
Nemandi skal hafa öðlast leikni í að:
blása stífan rúllublástur í fyrirfram ákveðið form.
framkvæma blástur eftir óskum viðskiptavinar.
velja mótunarefni sem hæfir hárgerð viðskipavinar.
blása form og bylgjublástur.
Nemandi skal geta hagnýtt þá almennu þekkingu og leikni sem hann hefur aflað sér til að:
framkvæma dömublástur eftir óskum módels/viðskiptavinar.
ráðleggja viðskiptavini um val á blæstri við hæfi.
blása hár módels/viðskiptavinar á viðeigandi hátt.
velja mótunarefni við hæfi.
blása/forma herra í mismunandi form.
ganga vel um vinnusvæði, gæta öryggis og hreinlætis.