Í áfanganum lesa nemendur forna norræna texta og kynnast þróun og helstu breytingum á íslensku máli frá fornu. Auk þess lesa nemendur eina nýlega skáldsögu.
ÍSLE2MB05 eða 5 einingar á öðru þrepi
Nemandi skal hafa öðlast þekkingu og skilning á:
fornum norrænum textum
hugtökum í bókmenntafræði
þróun tungumálsins og helstu breyitngum frá fornu
orðaforða i íslensku nútímamáli
helstu hugtökum í ritgerðasmíð
Nemandi skal hafa öðlast leikni í að:
skilja og nota algeng stílbrögð í máli
tjá sig á blæbrigðaríkan hátt í öruggum málflutningi um afmörkuð málefni
beita gagnrýninni hugsun við hvers konar tjáningu
nota viðeigandi hjálpargögn á markvissan hátt
nota heimildir á réttan og heiðarlegan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
túlka texta þó merkingin sé ekki ljós
styrkja eigin málfærni með því að nýta upplýsingar í handbókum
taka þátt í málefnalegum umræðum, byggja upp skýra röksemdarfærslu, tjá afstöðu og efasemdir um efnið og komast að niðurstöðu
beita blæbrigðaríku máli í ræðu og riti
vinna að skapandi verkefnum tengdum námsefninu og sýna tilbrigði í málnotkun
Námsmat byggir á leiðsagnarmati þar sem nemandinn fær endurgjöf á það sem vel er gert ásamt ábendingum um það sem betur má fara. Við námsmatið er nýtt kennaramat, sjálfsmat og jafningjamat. Leitast er við að hafa námsmat sem fjölbreyttast til þess að sýna rétta mynd af þekkingu, leikni og hæfni nemenda.