Í áfanganum er lögð áhersla á að nemendur æfist í ritun skapandi verka. Einnig munu þeir æfast í að lesa yfir eigin verk, gagnrýna og taka gagnrýni. Umræður um skoðanir og rök fyrir þeim verður mikilvægur þáttur í áfanganum.
ÍSLE3BS05 Bókmenntir síðari alda, túlkun og tjáning eða 10 einingar á þriðja þrepi
Nemandi skal hafa öðlast þekkingu og skilning á:
einkennum íslensks máls sem nýtast við ritun
uppbyggingu mismunandi textaforma
Nemandi skal hafa öðlast leikni í að:
taka við gagnrýni á eigin verk og vinna úr henni
beita öguðum og markvissum vinnubrögðum í ferilsritun
skilja og nota viðeigandi stílbrögð og menningarlegar vísanir í ritmáli
Nemandi skal geta hagnýtt þá almennu þekkingu og leikni sem hann hefur aflað sér til að:
beita málinu á viðeigandi og árangursríkan hátt við mismunandi aðstæður
sýna víðsýni og sköpunarhæfni í umfjöllun sinni og verkum
efla hæfni sína til skapandi skrifa og öðlist trú á eigin getu
skrifa skýran, vel uppbyggðan og grípandi texta og valið ritstíl eftir aðstæðum
Námsmat byggir á leiðsagnarmati þar sem nemandinn fær endurgjöf á það sem vel er gert ásamt ábendingum um það sem betur má fara. Við námsmatið er nýtt kennaramat, sjálfsmat og jafningjamat. Leitast er við að hafa námsmat sem fjölbreyttast til þess að sýna rétta mynd af þekkingu, leikni og hæfni nemenda.