Í áfanganum er lögð áhersla á að nemendur vinni að skapandi verkefnum þar sem lögmálum spennusagna er beitt. Nemendur lesa íslenskar og/eða erlendar spennusögur. Spennusöguformið verður skoðað og skilgreint og fjallað um stöðu spennusögunnar innan bókmennta. Einnig verða skoðuð tengsl spennusagna við aðra miðla svo sem kvikmyndir og sjónvarp.
ÍSLE2MG05 eða 10 einingar á öðru þrepi
Nemandi skal hafa öðlast þekkingu og skilning á:
einkennum bókmenntategundarinnar sögu og þróun spennusagnaritunar á Íslandi
stöðu bókmenntagreinarinnar
tengslum bókmenntagreinarinnar við aðra miðla svo sem kvikmyndir og sjónvarp
nokkrum verkum íslenskra og erlendra spennusagnahöfunda
Nemandi skal hafa öðlast leikni í að:
lesa og fjalla um spennusögur á gagnrýnin hátt
skoða og fjalla um tengsl greinarinnar við aðra miðla beita helstu bókmenntahugtökum í umfjöllun um spennusögur
flytja vel uppbyggða kynningu og geta greint atriði sem skipta máli
Nemandi skal geta hagnýtt þá almennu þekkingu og leikni sem hann hefur aflað sér til að:
dýpka lesskilning sinn
auka og bæta orðaforða sinn
átta sig á samfélagslegum skírskotunum og duldum boðskap
auka skilning sinn og þekkingu á mannlegu atferli í gengum lestur spennusagna
beita málinu á viðeigandi hátt í ræðu og riti
Námsmat byggir á leiðsagnarmati þar sem nemandinn fær endurgjöf á það sem vel er gert ásamt ábendingum um það sem betur má fara. Við námsmatið er nýtt kennaramat, sjálfsmat og jafningjamat. Leitast er við að hafa námsmat sem fjölbreyttast til þess að sýna rétta mynd af þekkingu, leikni og hæfni nemenda.