Í áfanganum er lögð áhersla á að nemendur æfist í ritun skapandi verka. Einnig munu þeir fá þjálfun í að lesa yfir eigin verk, gagnrýna og taka gagnrýni. Umræður um skoðanir og rök fyrir þeim verða mikilvægur þáttur námsins.
ÍSLE2MB05 eða 5 einingar á öðru þrepi
Nemandi skal hafa öðlast þekkingu og skilning á:
megineinkennum íslensks máls sem nýtast við ritun
góðri uppbyggingu texta
Nemandi skal hafa öðlast leikni í að:
beita hnitmiðaðri notkun hjálpargagna við frágang ritsmíða
nota markviss vinnubrögð við ferilsritun
skilja og nota viðeigandi stílbrögð í ritmáli
Nemandi skal geta hagnýtt þá almennu þekkingu og leikni sem hann hefur aflað sér til að:
beita máli og ritstíl sem hæfir mismunandi aðstæðum
sýna sköpunarhæfni og víðsýni í verkum sínum
skrifa skýran, vel uppbyggðan og grípandi texta
Námsmat byggir á leiðsagnarmati þar sem nemandinn fær endurgjöf á það sem vel er gert ásamt ábendingum um það sem betur má fara. Við námsmatið er notað kennaramat, sjálfsmat og jafningjamat. Leitast er við að hafa námsmat sem fjölbreyttast til þess að sýna rétta mynd af þekkingu, leikni og hæfni nemenda.