Í áfanganum er lögð áhersla á að nemendur lesi sér til ánægju og þroska. Nemendur kynnast úrvali þekktra íslenskra og erlendra ritverka. Lögð er mikið áhersla á sjálfstæð vinnubrögð nemenda og að þeir vinni eftir eigin áætlun sem þeir bera að mestu ábyrgð á.
ÍSLE2MB05 eða 5 einingar á öðru þrepi
Nemandi skal hafa öðlast þekkingu og skilning á:
mismunandi tegundum bókmennta
mikilvægi lestrar
orðaforða umfram það sem tíðkast í daglegu máli
Nemandi skal hafa öðlast leikni í að:
skilja og nota algeng stílbrögð í tal- og ritmáli
að draga saman upplýsingar úr texta og ræða á málefnalegan hátt
að lesa sér til gagns og gamans bókmenntaverk, jafnt sem nytjatexta og fjalla um inntak þeirra
Nemandi skal geta hagnýtt þá almennu þekkingu og leikni sem hann hefur aflað sér til að:
styrkja eigin málfærni
beita skýru og blæbrigðaríku máli í umfjöllun um bókmenntatexta
túlka texta þótt merkingin liggi ekki á yfirborðinu
Námsmat byggir á leiðsagnarmati þar sem nemandinn fær endurgjöf á það sem vel er gert ásamt ábendingum um það sem betur má fara. Við námsmatið er nýtt kennaramat og sjálfsmat. Leitast er við að hafa námsmat sem fjölbreyttast til þess að sýna rétta mynd af þekkingu, leikni og hæfni nemenda.