Í áfanganum er farið í hornafræði þríhyrnings. Nemendur eiga að kunna skil á hornaföllum sem hnit einingahring og þekkja lotu hornafalla og geta teiknað ferla sínus-, kósínus- og tangensfalla, fundið lotu og útslag og hliðrað ferlum. Gert er ráð fyrir að nemendur kanni hornaföll með tölvuforritum en einnig án þeirra.
Nemendur læra skilgreiningar og reiknireglur á vigrum í sléttu og á hnitaformi.
Áfanginn er hluti af sérhafingu raunvísindabrautar
5 einingar á öðru þrepi
Nemandi skal hafa öðlast þekkingu og skilning á:
undirstöðuatriðum hornafræðinnar (gleiðhyrndir þríhyrningar, flatarmáls-, sínus- og kósínusreglan)
Hornaföllum og tengslum þeirra við einingahring
hornafallajöfnum
ferlum hornafalla (lota, útslag og hliðrun)
Bogamáli, gráðum og radíönum
Vigrum í sléttu og rúmi
Nemandi skal hafa öðlast leikni í að:
nota hornaföll til þess að leysa verkefni
Leysa hornafallajöfnur
Teikna lotubundin föll og þekki einkenni þierra
finna nákvæm gildi hornafalla í gráðum og radíönum
Finna bogamál, gráður og radíana
beita vigurreikningi í sléttum fleti
nota tölvuforrit við lausn verkefna
Nemandi skal geta hagnýtt þá almennu þekkingu og leikni sem hann hefur aflað sér til að:
skilja merkingu og tengsl hugtaka og geta unnið með þau
skilja röksemdir og röksamhengi í mæltum og rituðum, þar með taldar sannanir í námsefni.
Beita skipulegum aðferðum við að leysa úr viðfangsefnum og þrautum með því að setja upp jöfnur, ójöfnur, föll eða gröf
Skiptast á skoðumum við aðra
Útskýra hugmyndir sínar og verk skilmerkilega
Leiðsagnarmat
Í áfanganum er vinna nemenda metin jafnt og þétt s.s. með yfirliti kennara yfir vinnubók, samtali við nemendur, sjálfsmati, jafningjamati og kaflaprófum.