Almenn málvísindi eru þverfagleg vísindi og því upplagt að tengja námið og námsefnið við t.d. félagsfræði (félagsmálvísindi), sálfræði (psycholinguistics, neurolinguistics), sögu, heimspeki, tölvunarfræði (computational linguistics), og svo framvegis.
Skoðaðar verða helstu hugmyndir og hugmyndasmiðir málvísindanna með aðaláherslu á þá þróun sem átt hefur sér stað á 20.öldinni ásamt því sem litið verður til framtíðarinnar hvað varðar mátækni og notkun hennar í þróun gervigreindar og annar notkunar sem tengjast samskiptum manns og tölvu.
Nemandi verður að hafa lokið amk. 10 einingum á 2.þrepi eða hafa sýnt fram á framúrskarandi árangur í þeim tungumálaáföngum sem nemandinn hefur lokið.
Nemandi skal hafa öðlast þekkingu og skilning á:
helstu hugmyndum og stefnum málvísinda
þeirri félagsfræði og heimspeki sem liggur að grunni nútímamálvísinga
málbreytingum frá einum tíma til annars
þeirri heimspeki sem liggur til grunnvallar forn- og nútíma málvísindum
að öll tungumál/tjáskipti geta verið skoðuð útfrá meir en einu sjónarhorni
Nemandi skal hafa öðlast leikni í að:
þekkja og greina tungumál og almenn tjáskipti
greina málvísindi á félagsfræðilegum grunni
leita upplýsinga um sérhæft efni
skoða tungumál og tjáskipti útfrá mismunandi kenningum/stefnum
Nemandi skal geta hagnýtt þá almennu þekkingu og leikni sem hann hefur aflað sér til að:
skilja þær hugmyndir og hugtök sem beitt er innan málvísinda
beita fræðilegum vinnubrögðum við úrvinnslu efnis
fjalla um málvísindi á almennan sem og fræðilegan máta
geta gert grein fyrir mismunandi hugmyndum og tímabilum málvísindanna
miðla þekkingu sinni og hugmyndum hvað varðar tungumál og tjáskipti
geta gert fyrir þeirri þróun sem hefur átt sér stað í málvísindum í gegnum aldirnar
Leiðsagnar- og jafningjamat ásamt stuttum skriflegum könnunum