Markmið áfangans er að nemendur nái tökum á undirstöðuatriðum enskrar málfræði, geti skilið daglegt mál og tjáð sig um einfalda hluti munnlega og skriflega. Í þessum áfanga er lögð áhersla á að nemendur lesi fjölbreytta texta til þess að byggja upp virkan og hagnýtan orðaforða og tjá hugsun sína bæði í ræðu og riti á skipulegan hátt og geti rökstutt hugmyndir sínar. Lögð er áhersla á að nemendur tali skýrt mál og noti það á réttan og viðeigandi hátt. Nemendum er gerð grein fyrir því hvernig þeir geti sjálfir bætt við þekkingu sína og tekið ákvarðanir er varða tungumálanám þeirra. Til þess að nemendur öðlist sjálfstæði í námi er lögð áhersla á að nemendur vinni sjálfstætt að hinum ýmsu verkefnum og kynningum. Hver nemandi finni eigin leiðir til að ná árangri í náminu og setji sér markmið.
Að hafa lokið grunnskólaprófi í ensku.
Nemandi skal hafa öðlast þekkingu og skilning á:
helstu málfræðiatriðum og orðflokkum
helstu málfræði atriðum og að geta nýtt þau í töluðu og rituðu máli
grunvallaratriðum hvað varðar að tjá sig með hagnýtum orðaforða
mismunandi eiginleikum tungumáls hvað varðar ritað mál og talað
Nemandi skal hafa öðlast leikni í að:
skilja talað mál um kunnugleg efni
lesa texta á eigin áhugasviði eða um kunnugleg efni
skrifa samfelldan texta um kunnuglegt efni
beita grundvallarreglum um ritað og talað mál
nýta sér uppflettirit, s.s. orðabækur, t.d. á veraldarvefnum
skrifa stutta texta og einfaldar ritgerðir
halda uppi einföldum samræðum á ensku
nota mismunandi aðferðir til að læra helstu málfræðiatriði, svo sem lestur og glósur
lesa og skilja einfalda texta, svo sem blaðagreinar, bæklinga og stuttar skáldsögur með það að markmiði að auka orðaforða sinn og afla upplýsinga
undirbúa og flytja stuttar kynningar um valið efni
hlusta á enska tungu og skilja inntak efnisins
Nemandi skal geta hagnýtt þá almennu þekkingu og leikni sem hann hefur aflað sér til að:
lesa og texta á samtímaensku og segja frá efni þeirra sem metið er með munnlegum og skriflegum verkefnum.
lesa og skilja almenna, einfalda texta og segja frá þeim í aðalatriðum
miðla og hagnýta almenna þekkingu og færni og taka þátt í samræðum um efni sem hann þekkir eða hefur áhuga á
beita málkerfinu á mismunandi hátt eftir aðstæðum, bæði munnlega og skriflega
endursegja efni sem hann hefur lesið eða heyrt
nota ýmis hjálpargögn við skrift á samfelldum texta, svo sem orðabækur og leiðréttingarforrit
Leiðsagnarnám. Áhersla á umsagnir sem leiða nemandann áfram.