Í áfanganum er unnið með texta og myndefni úr ýmsum áttum til að auka orðaforða, efla lesskilning og kynna um leið danska menningu. Þá eru grunnatriði málfræðinnar rifjuð upp og hlustað, ritað og rætt.
Nemendur sem fá C eða lægra á grunnskólaprófi.
Nemandi skal hafa öðlast þekkingu og skilning á:
orðaforða sem nauðsynlegur er til að mæta hæfniviðmiðum áfangans
grundvallarþáttum málkerfisins
Nemandi skal hafa öðlast leikni í að:
skilja talað mál um kunnugleg einföld efni þegar talað er skýrt og áheyrilega
lesa ýmiss konar texta
geta tjáð sig um einfalt efni sem hann þekkir
skrifa texta um efni sem hann þekkir eða hefur áhuga á
nota upplýsingatækni og hjálpargögn í tungumálanámi
Nemandi skal geta hagnýtt þá almennu þekkingu og leikni sem hann hefur aflað sér til að:
fylgjast með einföldum frásögnum um almenn efni
leita sér upplýsinga úr textum af hæfilegu þyngdarstigi
leysa úr viðfangsefnum af þyngd sem hæfir áfanganum