Tilgangur vinnustaðanáms er að nemandinn öðlist aukna færni og reynslu í þjónustu við viðskiptavini, þjálfist í verktækni og faglegum vinnubrögðum við raunverulegar starfsaðstæður undir handleiðslu hársnyrtimeistara. Hér kynnist hann vinnustaðamenningu og samvinnu. Nemandinn fær reynslu í því hvað felst í því að vera fagmaður í hársnyrtiiðn og tekur þátt í daglegum störfum á hársnyrtistofu undir handleiðslu hársnyrtimeistara. Aukinn er grunnur að sjálfstæði, siðferðisvitund og gagnrýninni hugsun í námi.
VINS1GB03AH
Nemandi skal hafa öðlast þekkingu og skilning á:
starfi fagmannsins á ólíkum sviðum.
mikilvægi heilbrigðs lífstíls, góðra samskipta og framkomu.
mikilvægi þess að setja sér persónuleg markmið.
mikilvægi fagmannlegrar framkomu og góðra samskipta.
þjónustu á vinnustað.
Nemandi skal hafa öðlast leikni í að:
mannlegum samskiptum.
virðingu við ólíkt vinnuumhverfi og menningu.
kurteisi og faglegri framkomu.
Nemandi skal geta hagnýtt þá almennu þekkingu og leikni sem hann hefur aflað sér til að:
framkvæma hárþvott og höfuðnudd á vinnustað.
bera ábyrgð á verkfærum og áhöldum, sjálfum sér og öðrum.
sýna sjálfstæði, siðferðisvitund og gagnrýna hugsun í námi.