Farið er almennt yfir búnað í Fab Lab smiðjunni og þá möguleika sem felast í notkun hennar. Farið er yfir notkun á Inkscape tvívíddar vektor hugbúnaði. Kennt hvernig teikna á upp hluti, breyta og flytja á mismunandi skráarsnið. Kennt hvernig á að breyta raster myndum í vektor myndir. Farið er yfir grunnatriði í notkun á teikniforritinu Inkschape, þrívíddarforritinum Google sketchup og Blender og hvernig er hægt að nýta sér það til ýmissa verkefna. Farið er yfir grunnatriði í notkun á laserskurðartæki, vinylskera og tölvustýrðum fræsara. Unnið er með sköpunarkraft nemenda og samvinnu.
Nemandi skal hafa öðlast þekkingu og skilning á:
hugmyndafræði stafrænnar smiðju
helstu efnistegundum sem notaðar eru við hin ýmsu verkefni
kostum og göllum hinna ýmsu efnistegunda
þekkingu á algengum samsetningum
getu og takmörkum mismunandi tækjabúnaðar með tilliti til efnisvals
aðferðum sem hafa að markmiði að bæta nýtingu hráefna, sem og förgun úrgangs
þekki muninn á rasta og vektor forritum
þekki mismunandi mælieiningar
Nemandi skal hafa öðlast leikni í að:
greina kosti og galla mismunandi samsetningaraðferða
greina mun á milli vektor og raster mynda
setja upp verkefni í viðeigandi form fyrir vinnslu
setja inn verkefni á netið
geta skipulagt og framkvæmt eigin hugmyndir
bera ábyrgð á efnisvali út frá því verkefni sem hann hefur kosið sér
velja viðeigandi verkfæri og tækjabúnað með tilliti til framkvæmdarinnar
geri sér grein fyrir raunstærðum teikninga og mynda á tölvuskjánum
Nemandi skal geta hagnýtt þá almennu þekkingu og leikni sem hann hefur aflað sér til að:
geta komið hugmynd sinni á það form að mögulegt sé að framleiða hana, teikningar, efnisval og annað sem hefur áhrif sé sett upp á skipulegan og aðgengilegan máta
greina orsakir galla sem fram koma í framkvæmd og mæla fyrir um aðgerðir til úrbóta
geti unnið og framleitt verkefni í vínilskera og laserskera
Námsmat skal vera fjölbreytt og byggja á verkefnavinnu með áherslu á leiðsagnarmat.