Í áfanganum fá nemendur kynningu og innsýn í heim samtíma leiklistar og verklega þjálfun í því að vinna skapandi með rými, hljóð og líkama. Nemendur eru kynntir fyrir þeim möguleikum sem sviðslistarmiðillinn hefur upp á að bjóða og þeir þjálfaðir í að nýta þá möguleika til úrvinnslu og framkvæmda hugmynda sinna. Áhersla er lögð á þjálfun í að nýta sköpunaraðferðir, innrömmun hugmynda og hæfni til að útfæra þær á listrænan hátt með skýrri heildarmynd. Að auki verða grunnþættir leiksýningagreiningar kynntir, farið verður með nemendur áfangans í leikhús og fá þeir í kjölfarið tækifæri til að spreyta sig á greiningum.
Nemandi skal hafa öðlast þekkingu og skilning á:
skapandi vinnu með rými, hljóð og líkama sem miðla.
að opna augun fyrir möguleikum óhefðbundinna leikrýma, að þjálfa leikni í rýmisskynjun og rýmisnotkun í listsköpun, skilji takmarkanir þeirra og möguleika.
notkun nokkurra vinnuaðferða og „tækja“ leiklistarinnar og geti nýtt sér þau við gerð innsetninga, mynda og stuttra sena og skapað með þeim andrúmsloft og áhrif.
Nemandi skal hafa öðlast leikni í að:
í grunnþekkingu orðaforða innan fagsins og greiningu á leiksýningum
þekkingu á fjölbreyttum þáttum leiklistar, svo sem rými, líkama, hljóði og lýsingu og öðlist hæfni í samsetningu þessara þátta.
Nemandi skal geta hagnýtt þá almennu þekkingu og leikni sem hann hefur aflað sér til að:
aukinni hæfni í framkomu á sviði
sjálfstæðum vinnubrögðum og samvinnu
leikni í að koma hugmyndum sínum í framkvæmd bæði sem einstaklinur og í hópi
Leiðsagnarnám. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram.