Í þessum áfanga er fjallað um landafræði sem fræðigrein, notagildi hennar og tengsl við aðrar fræðigreinar. Lögð er áhersla á kortalestur og kortagerð, ýmsar gerðir loftmynda og túlkun þeirra. Fjallað er um landnýtingu á Íslandi og á heimsvísu, breytingar á notkun lands og afleiðingar þess. Skilgreint er hvað felst í skipulagi lands og á hvaða stoðum slíkt skipulag hvílir. Gerð er grein fyrir undirstöðum efnahagslífs, nýtingu auðlinda og tengslum þessara þátta. Kynnt eru grunnhugtök lýðfræðinnar, vandamál er tengjast fólksfjölgun og breytingum á búsetumynstri og loks orsakir og afleiðingar fólksflutninga. Megináhersla er á að nemendur vinni nokkur sérhæfð en fjölbreytt verkefni sem krefjist upplýsingaöflunar með margs konar miðlum og úr fjölbreyttum heimildum.
INNF1IF05 og INNÁ1IN05 eða sambærilegir inngangsáfangar
Nemandi skal hafa öðlast þekkingu og skilning á:
þekkja tvískiptingu fræðigreinarinnar í almenna landafræði (þ.e. náttúru- og mannvistarlandafræði) og svæðalandafræði
gera sér grein fyrir merkingu hugtaka eins og landnýting, skipulag, auðlind og sjálfbær þróun
þekkja helstu gerðir og hlutverk skipulags, svo sem aðal-, svæða- og deiliskipulag
greina hvernig vatnsaflið getur verið grundvöllur orkuiðnaðar
skilgreina og nota mikilvæg lýðfræðileg hugtök, t.d. aldursskiptingu, fæðingar- og dánartíðni, barnadauða, meðalævi, lífslíkur, offjölgun og búsetumynstur
þekkja kenningar um mannfjöldabreytingar (t.d. tímalíkan mannfjöldaþróunar)
skilja tímamismun milli landa og átti sig á mismunandi árstíðum í heiminum
átta sig á hvernig land er nýtt á Íslandi og hvernig þróun atvinnulífs hefur haft áhrif á búsetumynstur á Íslandi
Nemandi skal hafa öðlast leikni í að:
nota algengustu hugtök landfræðinnar
reikna út tímamismun milli landa og staðsetningu í bauganeti jarðar
þekkja allar algengar leitarvélar til að ná fram landfræðilegum upplýsingum
þekkja þá þætti samskipta og skipulags sem nauðsynleg eru í menningarsamfélagi nútímans
skilja þarfir mismunandi menningarheima og lífsgæði
lesa almennar upplýsingar úr landakortum hvað varðar vegalengdir, hæðarlínur og staðsetningu ýmissa þátta svo sem stærð þorpa og bæja, vegakerfi og samgöngur.
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir samspili viðhorfa, umburðalyndis og fordóma heimsins Sem er metið með spurningaverkefni.
tjá sig skipulega og gagnrýnið bæði munnlega og skriflega með því að setja saman kynningu úr völdu efni landfræðinnar. Sem er metið með nemendafyrirlestrum.
átta sig á staðsetningu landa, heimsálfa og landamæra í hagnýtum skilningi.Sem er metið með vinnuframlagi í tímum og verkefnum á landakortum.
skilja hversu mikilvægt er að takmarka eða vinna úr auðlindum heimsins.Sem er metið með verkefni um auðlindir jarðar.
geta unnið með og skilið mikilvægi skipulags til sjávar og sveita. Sem er mettið með kortavinnu og spurningaverkefni.
skilja þarfir Íslendinga til að afla sér lífsviðurværis og að viðhalda auðlindum okkar lands til að búseta á Íslandi haldi sínum gæðum. Sem er metið með kynningm og skoðun á ýmsum gagnagrunnum.
Notast er við fjölbreytt námsmat sem tekur mið af þekkingu, leikni og hæfni nemandans. Leiðsagnarmat/Símat