Þrívíddarhönnun, stafræn framleiðslutækni, rafeindatækni og forritun
FABL2RF05
7
Stafræn hönnun
Rafeindatækni og forritun
Samþykkt af skóla
2
5
Byggt er ofan á fyrri þekkingu nemenda á hinum ýmsu teikniforritum auk þess sem notkun laserskera er þjálfuð frekar. Kennd eru nokkur grunnatriði forritunar og rafeindatækni í gegnum forritanlega tölvueiningu sem getur unnið með margvíslega nema og skynjara og stjórnað búnaði (Arduino). Áhersla er lögð á að vinna með sköpunarkraft nemenda og hafa þeir mikið að segja um val verkefna. Mikil áhersla er lögð á vinnuferli í verkefnum og gerð verklýsinga.
NÝSK1FA05
Nemandi skal hafa öðlast þekkingu og skilning á:
notkun leiserskera
stafrænum fræsivélum
lestri einfaldra rafrása
gerð rafrása, örgjafa og íhluta
einfaldri forritun (C++)
þekkingu á algengum samsetningum í stafrænni framleiðslu
getu og takmörkun mismunandi tækjabúnaðar með tilliti til efnisvals
skrásetningu og miðlun vinnuferlis
Nemandi skal hafa öðlast leikni í að:
nota stafrænan tækjabúnað við hönnun og framleiðslu
vinna skissu að frumgerð og kynna fyrir öðrum
framkvæma verkefni frá hugmynd til frumgerðar
lesa einfaldar rafrásir
setja saman einfaldar rafrásir í Arduino
skrifa einfalda forritun í forritunarmálinu C++ fyrir Arduino tölvueiningu
velja efni við hæfi hönnunar og tækjabúnaðar
miðla rafrænt skrásetningu vinnuferlis
Nemandi skal geta hagnýtt þá almennu þekkingu og leikni sem hann hefur aflað sér til að:
lesa og vinna eftir leiðbeiningum
vinna sjálfstætt eftir verkáætlun sem hann gerir sjálfur
útfæra hugmyndir sínar í teikniforritum
framleiða frumgerð hugmynda sinna úr efnivið og með stafrænum framleiðslutækjum sem henta viðfangsefninu
setja saman einfaldar rafrásir fyrir Arduino tölvueiningu, forrita þær með stuðningi leiðbeininga og gera einfaldar breytingar á forrituninni
Námsmat skal vera fjölbreytt og byggja á verkefnavinnu með áherslu á leiðsagnarmat.