Í áfanganum fá nemendur þjálfun í að sjóða eftir suðuferlislýsingum. Nemendur læra að efna niður og undirbúa stálplötur fyrir rafsuðu og logskurð. Þeir læra að búa til Y-rauf og hreinsa efni eins og með þarf. Nemendur skulu geta soðið kverksuðu FW með basískum vír í suðustöðum PB,PD, PG og PF. Nemendur fá þjálfun í að setja saman og rafsjóða plötur 8 -12 mm þykkar með basískum rafsuðuvír í V fas án bakleggs, gegnumsjóða frá annarri hlið í suðustöðum PA, PC og PF ( PE ). Farið yfir ýmsa þætti varðandi pinnasuðu svo sem val á vírum, suðustöður, suðuraufar, suðuferla og fleira. Nemendur gera æfingar í að sjóða lárétta kverksuðu PB og PD 6 - 10 mm. Nemendur eiga að ná suðugæðum í flokki C samkvæmt ÍST EN 25817. Ennfremur geta þeir skipulagt vinnu sína m.t.t. krafna um hagkvæmni, gæði, öryggi og umhverfi.
RAFS1SE03
Nemandi skal hafa öðlast þekkingu og skilning á:
suðuferlislýsingum og gildi þeirra
helstu gerðum af suðuraufum, skammstöfunum og tákn rafsuðu
eiginleikum, notkun og meðferð basískra rafsuðuvíra
spennum og aflögun efnis við suðu, hvað er til bóta
helstu breytingum efnisins á hitaáhrifasvæðinu
kolefnisjafngildinu og þýðingu þess
Nemandi skal hafa öðlast leikni í að:
rafsjóða eftir suðuferlislýsingum
rafsjóða í suðustöðum PB-FW,PD-FW, PF-FW, PG-FW, PA BW, PC BW og PF-BW (ÍST EN 287-1)
sjóða lárétta kverksuðu PB og PD, lóðrétt fallandi kverksuðu PG og lóðrétt stígandi kverksuðu PF
sjóða lárétta stúfsuðu v-rauf suðustaða PA - BW og PC - BW
sjóða lóðrétta stúfsuðu v-rauf suðustaða PF - BW
sjóða lóðrétta stúfsuðu Y-rauf suðustaða PF - BW og PE - BW
sjóða lárétta stúfsuðu Y-rauf suðustaða PE - BW
Nemandi skal geta hagnýtt þá almennu þekkingu og leikni sem hann hefur aflað sér til að:
mæla og skrá viðeigandi upplýsingar varðandi suðuverkefnið s.s. upplýsingar fyrir suðuferilslýsingar
gera suðuferil
velja sjálfstætt vír m.t.t. efnis og suðuraufar
viðhalda fylgibúnaði suðuvéla
fylgja reglum um öryggismál
skipuleggja suðverkefni m.t.t. krafna um gæði, öryggi og umhverfi
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.