Farið verður ýtarlega í Lífrænu efnafræðina, þ.e. efnafræði kolefnis og kolefnissambanda.
Nemendur kynnast grunnatriðum lífrænnar efnafræði s.s. helstu efnaflokkum, IUPAC-nafnakerfinu, teikningu byggingaformúla, eðlis- og efnaeiginleikum lífrænna efna, helstu hvörfum og hvernig lífræn efnafræði tengist daglega lífinu.
Svigrúmablöndun kolefnis og þrívíddarbygging lífrænna sameinda.
Stutt kynning verður á lífefnafræði og helstu flokkum lífefna; sykrum, lípíðum og próteinum.
Helstu lífefnaferlar mannslíkamans.
EFNA2AE05 og EFNA2GE05 eða 10 einingar á öðru þrepi
Nemandi skal hafa öðlast þekkingu og skilning á:
grunnatriðum lífrænnar efnafræði
helstu lífrænu efnaflokkunum; eðlis- og efnaeiginleikum
IUPAC-nafngiftakerfi lífrænna efna
svigrúmablöndun kolefnis og þrívíddarbyggingu lífrænna sameinda
helstu lífefnaferlum mannslíkamans
Nemandi skal hafa öðlast leikni í að:
þekkja helstu lífrænu efnaflokkana sem mynda lífverur
nota IUPAC-nafngiftakerfið
teikna byggingarformúlur
lýsa svigrúmablöndun kolefnis
lesa úr lífefnaferlum hvatbera
tengja lífefnaferla eins og ljóstillífun og frumuöndun
Nemandi skal geta hagnýtt þá almennu þekkingu og leikni sem hann hefur aflað sér til að:
nota IUPAC- nafngiftakerfið til þess að skrifa heiti og teikna upp byggingarfomúlur lífrænna efna
rita einfalda hvarfganga
auka skilning sinn á notagildi lífrænnar efnafræði og tengja hana daglegu lífi
afla sér upplýsinga og frekari þekkingar varðandi viðfangsefnið
takast á við frekara nám í efna- og náttúrufræðum
Notast er við fjölbreytt námsmat sem tekur mið af þekkingu, leikni og hæfni nemandans. Leiðsagnarmat/Símat