Markmiðið er að kenna nemendum hvert eigi að leita eftir aðstoð. Farið er í almenna skyndihjálp sem er fyrsta aðstoð sem veitt er slösuðu eða bráðveiku fólki. Meðal umfjöllunarefna eru beinbrot, blæðingar, innvortis áverkar, höfuðáverkar.
Engar
Nemandi skal hafa öðlast þekkingu og skilning á:
skyndihjálp, 1. hjálp og sálrænum stuðningi
hvað skiptir mestu máli að gera þegar komið er að slysi
forgangsröðun aðgerða á vettvangi
mikilvægi sálræns stuðnings
Nemandi skal hafa öðlast leikni í að:
meta áverka til að gera sér grein fyrir því hversu mikið einstaklingur er slasaður
beita þeim aðferðum sem hann lærði, t.d. endurlífgun
forgangsraða aðgerðum á slysstað
veita sálrænan stuðning
Nemandi skal geta hagnýtt þá almennu þekkingu og leikni sem hann hefur aflað sér til að:
beita viðeigandi skyndihjálp eða 1. hjálp
meta aðstæður á vettvangi slyss
forgangsraða aðgerðum á vettvangi
meta áverka einstaklinga
veita sálrænan stuðning
beita endurlífgun
Í áfanganum er viðhaft leiðsagnarmat með símati alla önnina.