Í áfanganum fá nemendur kynningu á notkunarmöguleikum tölvunnar og fræðast um örugga netnotkun og óskrifaðar og skrifaðar reglur á samskiptavefjum og bloggsvæðum.
Engar
Nemandi skal hafa öðlast þekkingu og skilning á:
Að tölvur eru stór hluti af lífi okkar.
Mikilvægi þess að fylgja ákveðnum umgengisreglum við tölvunotkun.
Mikilvægi þess að vanda tölvusamskipti eins og önnur samskipti.
Því að það er ekki allt satt og rétt sem sett er á veraldarvefinn.
Nemandi skal hafa öðlast leikni í að:
Greina á milli þess hversu áreiðanlegar upplýsingar eru á netinu.
Nýta sér netið á öruggan og ánægjulegan hátt.
Nota samskiptavefi á borð við facebook á sem öruggastan hátt.
Nemandi skal geta hagnýtt þá almennu þekkingu og leikni sem hann hefur aflað sér til að:
Lesa í leik-og samskiptareglur.
Lesa í og/eða nýta sér upplýsingar sem koma fram á síðum eins og SAFT og öðrum síðum sem kenna örugga netnotkun.
Auka sjálfstraust sitt og trú á eigin tölvulæsi.
Lesa í umhverfi, samskipti, tilfinningar og reglur í þeim tilgangi að átta sig á hvað er viðeigandi hverju sinni.
Þekkja muninn á því sem er raunverulegt og óraunverulegt.
Leiðsagnarmat, virkni í kennslustundum og mæting. Regluleg endurgjöf er frá kennara á vinnuframlag nemenda og verkefnaskil.