Í áfanganum eru kennd undirstöðuatriði í notkun á tölvum og upplýsingatækni. Lögð er áhersla á að nemendur læri á þau verkfæri sem notuð eru í kennslu, læri að skipuleggja sig í námi og læri að nýta sér internetið til gagnaöflunar. Nemendur fá þjálfun í algengustu verkfærum, svo sem ritvinnslu, tölvupósti og töflureikni, meðferð heimilda, geymslu gagna, myndbandsgerð og fleira. Einnig verður farið í samskiptareglur á internetinu.
Engar
Nemandi skal hafa öðlast þekkingu og skilning á:
Tölvupósti og heimildanotkun.
Verkfærum sem nýtast í námi.
Internetinu og notkun þess.
Nemandi skal hafa öðlast leikni í að:
Nota netið til upplýsingaöflunar.
Nota tölvupóst til að vera í samskiptum við vini og annað fólk.
Halda utan um gögn og skrár á skipulagðan hátt.
Nota ritvinnsluforrit og helstu aðgerðir til að búa til texta.
Búa til margmiðlunarverkefni svo sem myndbönd og hljóðskrár.
Nemandi skal geta hagnýtt þá almennu þekkingu og leikni sem hann hefur aflað sér til að:
Vera óhræddur við að prófa sig áfram og læra meira á tölvur.
Geta unnið sjálfstætt og óstuddur í tölvum.
Halda utanum gögn og verkefni.
Nota tölvur við lausn verkefna með opnum og jákvæðum huga.
Í áfanganum er viðhaft leiðsagnarmat með símati alla önnina.