Áfanginn er upphafsáfangi í félagsfræði þar sem nemendur læra grunnatriði félagsfræðinnar, helstu hugtök og æfa sig í að nota þau. Fjallað verður um þróun samfélaga, félagsmótun, menningu og ólíkar gerðir samfélaga, kynhlutverk, kynhegðun og fordóma svo dæmi séu tekin. Sérstök áhersla verður lögð á að nemendur auki skilning sinn á samfélaginu með því að beita sjónarhorni félagsfræðinnar. Nemendur læra um hinn pólitíska grunn sem samfélag þeirra stendur á, m.a. eðli og virkni stofnana. Einnig læra nemendur um helstu rannsóknaraðferðir félagsfræðinnar og framkvæma litla rannsókn sem byggir annaðhvort á megindlegum eða eigindlegum aðferðum eða starfendarannsóknum.
LÆSI2ME10
Nemandi skal hafa öðlast þekkingu og skilning á:
helstu hugtökum félagsfræðinnar
hvernig samfélagið mótar einstaklinginn þannig að hann rekist vel innan þess
þeim grundvallarþáttum sem samfélagið stendur á og stofnanamyndun þess
helstu rannsóknaraðferðum félagsfræðinnar
Nemandi skal hafa öðlast leikni í að:
beita helstu hugtökum félagsfræðinnar
greina áhrif félagsmótunar á sjálfan sig og nærumhverfi sitt
afla sér traustrar og trúverðugra félagsfræðilegra upplýsinga
greina að hvaða leyti kynhlutverk hafa áhrif á eigin hegðun og annarra
Nemandi skal geta hagnýtt þá almennu þekkingu og leikni sem hann hefur aflað sér til að:
meta og hagnýta upplýsingar um félagsfræðitengd málefni
beita viðurkenndri aðferðafræði félagsvísinda í einfaldri rannsókn
tengja félagsfræðina við daglegt líf og sjá notagildi hennar
tileinka sér víðsýni og umburðarlyndi gagnvart öðru fólki
tileinka sér viðhorf sem einkennast af jafnréttissjónarmiðum
taka þátt í rökræðum um félagsfræðileg málefni
Námsmat er tilgreint í kennsluáætlun og samræmist skólanámskrá.