Í áfanganum er fjallað um sögu og þróun knattspyrnunnar og sérstaklega sögu og þróun knattspyrnuáhangenda frá upphafi til dagsins í dag. Efnið er skoðað út frá mörgum hliðum. Áfanginn er samvinnuverkefni kennara og nemenda þar sem mikið er lagt upp úr sjálfstæði og virkni nemenda. Nemendur tileinka sér vinnubrögð sagnfræðinnar í gegnum verkefnavinnu. Við verkefnavinnuna er lögð áhersla á að nemendur geti nýtt sér þá þekkingu sem þeir hafa aflað sér til að geta miðlað henni á frumlegan, fjölbreyttan og skapandi hátt í gegnum ólík miðlunarform. Sérstök áhersla er á að efla nemendur í samvinnu. Jafnframt er lögð áhersla á að nemendur taki ábyrgð á eigin námi og geti metið eigið framlag og annarra á uppbyggilegan hátt með fjölbreyttum matsaðferðum.
SAGA2IN05
Nemandi skal hafa öðlast þekkingu og skilning á:
hugtakinu nýrasimsa
deilum trúarhópa í borgum og löndum
ólíkum menningarkimum sem tengjast knattspyrnu
áhrifum mannkynssögunnar á þróun knattspyrnunnar og knattspyrnustuðningsmanna
mismunandi sjónarhornum á sögu knattspyrnunnar, t.d. eftir löndum/landsvæðum og kynjum
Nemandi skal hafa öðlast leikni í að:
afla sér fjölbreyttra heimilda um mismunandi viðfangsefni
skoða viðfangsefnið út frá mismunandi sjónarhornum
lesa og skilja fjölbreytta texta bæði á íslensku og erlendum tungumálum
nota heimildir á viðurkenndan hátt
miðla efni á fjölbreyttan og skapandi hátt
vinna jafnt sjálfstætt og með öðrum að verkefnum
meta eigið framlag og framlag annarra með fjölbreyttum aðferðum
Nemandi skal geta hagnýtt þá almennu þekkingu og leikni sem hann hefur aflað sér til að:
nota viðkenndar aðferðir við að setja hugðarefni sín fram
miðla fróðleik á áhugaverðan og fjölbreyttan hátt
meta þróun knattspyrnunnar frá upphafi til dagsins í dag
skoða sögu knattspyrnunnar frá mörgum sjónarhornum
vinna með öðrum að sameiginlegu markmiði
meta vinnu sína og annarra á uppbyggilegan hátt
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram.