Öll kennsla í áfanganum fer fram á ensku og verkefnin eru á ensku. Í áfanganum er þjálfaður enskur orðaforði sem tengist kvikmyndagerð vinnubrögðum við hana. Farið verður í gegnum öll helstu kvikmyndaformin. Teknar eru fyrir nokkrar kvikmyndir, þær rýndar og skilgreindar út frá ýmsum þáttum kvikmyndagerðar. Nemendur þjálfa sig í skrifum á handriti á ensku sem er síðan notað sem grunnur að lokaverkefni.
ENSK2GA05
Nemandi skal hafa öðlast þekkingu og skilning á:
enskum orðaforða sem tengist kvikmyndagerð
hvað aðgreinir hin ýmsu kvikmyndaform
helstu aðferðum við handritsskrif
kenningum og vinnubrögðum sem tengjast handritaskrif og kvikmyndagerð
myndmáli kvikmyndanna
Nemandi skal hafa öðlast leikni í að:
vinna eftir handriti
skrifa handrit á ensku
greina táknmál kvikmynda
Nemandi skal geta hagnýtt þá almennu þekkingu og leikni sem hann hefur aflað sér til að:
taka upp stuttmynd
greina dramatíska uppbyggingu kvikmyndar
skrifa eigið handrit á ensku með trúverðugum samtölum og persónum
Notað verður fjölbreytt námsmat. Dæmi um námsmatsþætti gætu verið: Munnleg og skrifleg verkefni, smápróf, ritun, ástundun og lokaverkefni.