Fjallað er um helstu þætti er varða innra skipulag og rekstur fyrirtækja, rekstrarumhverfi eða ytri aðstæður fyrirtækja t.d. skattaumhverfi og afkomu þeirra almennt. Einnig er fjallað um fyrirtæki sem efnahagseiningu og samkeppni þess við önnur fyrirtæki í starfsgreininni. Farið er í flokkun atvinnugreina, starfsgrundvöll fyrirtækja, stefnumótun og markmiðssetningu. Þá er farið í framleiðsluskipulag og kostnaðarreikninga og jafnvægispunktur reiknaður út. Kennd er gerð línurita til að skýra rekstrarstöðu fyrirtækis.
BVVE2VS05
Nemandi skal hafa öðlast þekkingu og skilning á:
grundvallarhugtökum hagfræðinnar sem fjalla um framleiðsluþætti, skort, val og fórn
mun á frumvinnslu, úrvinnslu og þjónustu
helstu skipuritum, verkaskiptingaraðferðir og dreifingu valds og ábyrgðar í fyrirtækjum
helstu kostnaðarhugtökum og aðferðum við útreikning framlegðar og rekstrarjafnvægis
helstu þáttum í rekstrarumhverfi fyrirtækja
helstu þáttum sem ráða staðarvali fyrirtækja
lögum um tekju- og eignaskatt einstaklinga
þeim lögum sem í gildi eru um virðisaukaskatt
Nemandi skal hafa öðlast leikni í að:
færa færslur vegna stofnunar og slita fyrirtækja
færa færslur vegna launagreiðslna
reikna afdregna staðgreiðslu, tryggingagjald og gjöld í lífeyrissjóð
Nemandi skal geta hagnýtt þá almennu þekkingu og leikni sem hann hefur aflað sér til að:
skilgreina efnahagsheildir og helstu strauma efnahagslífsins
greina á milli þátta sem fyrirtæki hefur vald yfir og áhrif á
lýsa vinnuaðferðum við stefnumótun og markmiðssetningu
gera greinarmun á hámarksmarkmiðum og viðunandi markmiðum
skýra áhrif hagsmunaaðila á markmiðssetningu fyrirtækja
lýsa rekstrarformi fyrirtækja
lýsa helstu stjórnunarstílum
útskýra virðisauka (verðmætasköpun) fyrirtækja og ráðstöfun hans
lýsa framleiðslukerfum, skipulagi tækja og mannafla
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.