Í þessum áfanga eru kennd undirstöðuatriði styrk- og tíðnimótunar. Fjallað er um tíðnirófið sem notað er til fjarskipta og skýrt hvernig radíómerki dreifast frá loftneti (H/E). Kynntar eru helstu gerðir loftneta og hvernig tíðni og næmni eru reiknuð. Kennd eru undirstöðuatriði er varða sendingar á hliðrænum og stafrænum merkjum eftir boðskiptalögnum og þráðlaust. Kynntar eru helstu gerðir kapla og annarra hátíðnimerkjabera sem og efni sem notað er í loftnetskerfum. Nemendur læra að reikna út einföld loftnetskerfi gagnvart styrk merkis og deyfingu í köplum og dósum. Virkni VHF-sendistöðvar er skýrð og gerðar mælingar á sendistyrk og standbylgju. Notkun mælitækja er æfð og fræðilegur grunnur styrktur með mælingum.
Grunnnám rafiðna
Nemandi skal hafa öðlast þekkingu og skilning á:
mismunandi mótunaraðferðum.
helstu gerðum loftneta.
útreikningum varðandi fjarskipti og loftnetskerfi.
riðstraumsviðnámi og endaviðnámum.
köplum til fjarskipta.
mælitækjum til mælinga á loftnetskerfum.
Nemandi skal hafa öðlast leikni í að:
setja upp og tengja meðalflókið loftnetskerfi.
mæla kapallengdir með tíðnigjafa og sveiflusjá.
beita helstu mælitækjum fyrir fjarskiptakerfi.
Nemandi skal geta hagnýtt þá almennu þekkingu og leikni sem hann hefur aflað sér til að:
geta sett upp einfalt loftnetskerfi með loftneti, magnara og tengidósum.
geta skeytt saman köplum.
geta mælt lengd loftnetskapla með tíðnigjafa og sveiflusjá.
geta sett endatengi á flestar gerðir kapla.
geta metið hvaða kaplar og hvaða loftnet eiga við í mismunandi aðstæðum.
Kennsla er verkefnastýrð að mestu, námsmat er símat með tvo til þrjá lykilmatsþætti og leiðsagnarmat.