Í þessum áfanga er lögð áhersla á stafræna mótun og stafræna móttöku. Farið er í loftnetskerfi og síun á óæskilegum merkjum (filteringar). Fjallað er um mismunandi tíðnisvið. Lögð er áhersla á að nemendur nái góðum tökum á notkun loftnetsmæla og tíðnirófsgreini bæði fyrir hliðræn merki og stafræn merki. Nemendur læra að hanna einföld loftnetskerfi sem þeir svo setja upp samkvæmt reglum um styrk merkja í loftnetskerfum.
FJST2RE05AR
Nemandi skal hafa öðlast þekkingu og skilning á:
mismun á stafrænni móttöku og hliðrænni.
mælieiningum í fjarskiptatækni.
hvernig hægt er að sía merki.
Nemandi skal hafa öðlast leikni í að:
setja upp og tengja stafrænt loftnetskerfi.
mæla merkjastyrk með loftnetsmælum.
greina krossmótun og yfirmótun í loftnetskerfi.
Nemandi skal geta hagnýtt þá almennu þekkingu og leikni sem hann hefur aflað sér til að:
geta sett upp loftnetskerfi og dreifikerfi fyrir stafræna og hliðræna mótun.
geta mælt loftnetskerfi og gert bilanagreiningu.
meta orsök krossmótunar og yfirmótunar.
geta ákvarðað þörf og valið síur fyrir loftnetskerfi.
geta mælt og ákvarðað þörf fyrir mögnun, millimögnun og síun í loftnetskerfi.
Kennsla verkefnastýrð að mestu, námsmat er símat með tvo til þrjá lykilmatsþætti og leiðsagnarmat.