Áfanginn er sveinsprófsáfangi og fjallar um virkni stýritölva sem byggja á sérhæfðum örgjörvum (Micro Controlers). Nemendur vinna verkefni við stýrieiningar sem hafa tiltekna virkni. Nemendur hanna flæðirit og forrit, hanna eða velja rétta tengibrú (interface) og fá búnaðinn til að virka. Verkefni eru krefjandi og reyna á hæfni nemenda til að leita lausna á netinu eða eftir öðrum leiðum. Nemendur hanna og smíða verkefni sem tengjast síðan um tengibrú (interface). Nemendur smíða eða prenta vélahluti sem vantar.
MEKA3RE05BR
Nemandi skal hafa öðlast þekkingu og skilning á:
virkni sérhæfðra örgjörva (Microcontrolers).
PIC rásum.
samþættingu véla og tölva.
Assembler forritunarmáli.
C forritunarmáli.
Basic Stamp.
Nemandi skal hafa öðlast leikni í að:
forrita flóknari skipanir í örgjörva.
smíða og setja saman vélbúnað til stýringar með ýmsum gerðum skynjara og mótora.
Nemandi skal geta hagnýtt þá almennu þekkingu og leikni sem hann hefur aflað sér til að:
vinna sjálfstætt og hanna vélrænt kerfi með mörgum skynjurum og mótorum.
geta forritað kerfið og látið það virka.
geta hannað brú milli mismunandi kerfa.
leita upplýsinga um eiginleika íhluta.
vinna með öðrum á jafnræðisgrunni.
Áfanginn er sveinsprófsáfangi. Í lok annar leggur sveinsprófsnefnd fram próf sem byggir á námi annarinnar og metur hvort nemandi hafi þá hæfni og leikni sem tiltekin er í hæfniviðmiðum. Kennsla er verkefnastýrð að mestu, námsmat er símat með tvo til þrjá lykilmatsþætti og leiðsagnarmat. Nemandi verður að standast sveinspróf til að áfanganum teljist lokið.