Þessi áfangi er beint framhald TNTÆ2GA04DR.
Þessi áfangi fjallar um nánari uppbyggingu og virkni staðarneta (LAN) , víðneta (WAN) og rauntímaneta (CANopen) með uppsetningar og þjónustu í huga. Farið er nákvæmlega í OSI-módelið og unnin verkefni með hjálp ýmissa netgreiningaforrita ásamt því að kennd og æfð er sú tækni sem er notuð við bilanaleit á staðar- og víðnetum. Æfðar eru uppsetningar á netbúnaði, netkortum, kapallögnum, svissum og beinum og hvernig villur í uppsetningum lýsa sér ásamt lausn þeirra með hjálp netgreiningaforrita. Í seinasta hluta áfangs er farið í CANopen, bæði uppsetningu og virkni. Með hjálp CAN-analyser eru skipanir CAN-netsins prófaðar.
Í lok þessa áfanga þekkja nemendur uppbyggingu og virkni þessara neta, ásamt því að kunna skil á þeim búnaði sem notaður er við bilanaleit á netum og helstu aðferðum við bilanaleit.
TNTÆ2GA04DR
Nemandi skal hafa öðlast þekkingu og skilning á:
LAN-netum og WAN-netum.
CAN-rauntímaneti.
forritum til greiningar á netumferð.
Nemandi skal hafa öðlast leikni í að:
greina netkerfi með þar til gerðum verkfærum.
setja upp netbúnað með kortum, lögnum, svissum og beinum.
setja upp einfalt CAN-netkerfi.
Nemandi skal geta hagnýtt þá almennu þekkingu og leikni sem hann hefur aflað sér til að:
þróa og setja upp lítið staðarkerfi (LAN).
setja upp WAN-kerfi.
þróa og setja upp CANopen netkerfi.
beita forritum eins og Wireshark til bilanagreiningar.
Kennsla er verkefnastýrð að mestu, námsmat er símat með tvo til þrjá lykilmatsþætti og leiðsagnarmat.