Nemendur fá tilsögn og þjálfun í skipulögðum vinnubrögðum við úrlausn stærri/flóknari verkefna. Nemendur fá viðamikið verkefni sem feslt í að skrifa stýriforrit fyrir stjórntölvu fyrir iðnaðarvélbúnað svo sem vörulyftur, færibönd og flokkara. Þessi áfangi er unnin samhliða sveinsprófsáfanga í Mekatronik. Sveinsprófsverkefnið felur, til viðbótar við forritunina, í sér smíði stjórntölvunnar auk nauðsynlegs vélbúnaðar og gerð ýtarlegrar lýsingar á tækinu. (C-forritið er frá 500 upp í 800 línur).
Í lok þessa áfanga hafa nemendur öðlast færni til að fást við frumhugmynd, hönnunar- og forritunarúrvinnslu í stýringum og verkefni sem spanna bæði forritun í hefðbundnu tölvuumhverfi (PC) og tengingu við forritanlegar stýrirásir (embedded programming) ásamt því að smíða vél- og rafeindabúnaðinn. Áfanganum lýkur með sveinsprófi.
STTÆ2RE05AR
Nemandi skal hafa öðlast þekkingu og skilning á:
forritun á framleiðslulínum.
margskonar skynjurum og vélbúnaði.
virkni vélarama og færibanda.
Nemandi skal hafa öðlast leikni í að:
forrita framleiðslulínur.
setja upp analogskynjara.
setja upp digitalskynjara.
tengja skynjara og drif við tölvu.
Nemandi skal geta hagnýtt þá almennu þekkingu og leikni sem hann hefur aflað sér til að:
þróa vinnslulínu með völdum skynjurum og drifum.
setja upp flóknari framleiðslulínur.
forrita framleiðslulínur.
Áfanginn er sveinsprófsáfangi. Í lok annar leggur sveinsprófsnefnd fram próf sem byggir á námi annarinnar og metur hvort nemandi hafi þá hæfni og leikni sem tiltekin er í hæfniviðmiðum.