Í námskeiðinu er fyrirbærið „fjölkameruvinnsla“ í sjónvarpi skoðað nánar . Rannsakaðir eru innlendir og erlendir þættir sem teknir eru upp á þennan hátt og farið ítarlega í vinnsluferli slíkra þátta . Í kjölfarið vinna nemendur 20 til 25 mínútna sjónvarpsþátt
undir stjórn leiðbeinanda . Hópurinn vinnur saman að öllum þáttum framleiðslunnar, frá hugmyndavinnu til útsendingar, og skiptir með sér hlutverkum . Sent er út frá myndveri í gegnum myndstjórn og miðað er við að þátturinn sé fullfrágenginn með grafík, innslögum og tilbúinn til útsendingar . (Ath . Hér er átt við annað efni en leikið).
Nemandi skal hafa öðlast þekkingu og skilning á:
fjölkameruvinnslu og vinnu í myndveri
klassískum stúdíóþáttum fyrir sjónvarp
vinnsluferli stúdíóþátta frá hugmynd til útsendingar
stjórnunarstrúktúr beinna útsendinga
Nemandi skal hafa öðlast leikni í að:
hugmyndavinnu fyrir þætti í myndveri
öllum þáttum vinnslunnar, frá hugmyndavinnu að útsendingu
hönnun leikmynda fyrir myndver
vinnu við beinar útsendingar úr myndveri
Nemandi skal geta hagnýtt þá almennu þekkingu og leikni sem hann hefur aflað sér til að:
meta möguleika myndversins til kvikmyndagerðar
nota beinar útsendingar við gerð sjónvarpsþátta
Ástundun, vinnuferli og samstarf, skoðun þáttar, framleiðslumappa og skýrslur nemenda