Í áfanganum lærir nemandinn grunnatriði í virkni og notkun tölvustýrðra trésmíðavéla með áherslu á sambandið milli tölvuteikninga (CAD), færsluskipana (CAM) og framleiðslu (CNC). Fjallað er um helstu hugtök sem tengjast notkun tölva í framleiðsluumhverfi, stafræna stýringu og forritun CNC-véla. Áherslan er á uppbyggingu CNC-forrita og hvernig nota má þau til að einfalda vinnu á trésmíðaverkstæðum. Nemandinn öðlast einnig þekkingu í öryggismálum varðandi umgengni við tölvustýrðar vélar.
Áfanginn er ætlaður nemendum í húsa– og húsgagnasmíðum og er að mestu leiti bóklegur þar sem nemandinn kynnist algengustu viðmótum tölvustýrðra trésmíðavéla hérlendis.
TRÉS2PH10 og TRÉS2NT04
Nemandi skal hafa öðlast þekkingu og skilning á:
uppbyggingu CNC forrita og grunnatriði tölvustýrðra trésmíðavéla
notkun og mismun á NC og CNC forritanlegum trésmíðavélum
einfaldri forritun í CNC umhverfi
tölvustýrðum vinnslustöðvum með 3 til 5 ása
Nemandi skal hafa öðlast leikni í að:
útbúa vinnsluferli í CNC umhverfi eftir teikningum
nota tölvustýrðar trésmíðavélar
líkja eftir vinnslu trésmíðavéla í einmenndingstölvum
velja verkfæri sem hæfa því sem vinna á
framkvæma vinnsluferli í stafrænu umhverfi
Nemandi skal geta hagnýtt þá almennu þekkingu og leikni sem hann hefur aflað sér til að:
vinna á trésmíðaverkstæði með vélar sem vinna í stafrænu umhverfi
velja verkfæri sem hæfa því sem vinna á
vera öruggur í umgengni við tölvustýrðar trésmíðavélar
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.