Það kom upp villa senda inn  Áfangi

    Áfangi Nánari upplýsingar


    Búið til: 1483523894.98

    Vélavinna
    SMÍÐ3VV05
    1
    Smíðar
    vélavinna
    Samþykkt af skóla
    3
    5
    AV
    Aukin áhersla lögð á verkefni sem krefjast fjölbreyttrar notkunar verkstæðisvéla og sjálfstæðari vinnubragða. Aukin notkun teikninga og lestur þeirra, sem og notkun handbóka og taflna. Samhliða kennslunni fer fram fræðsla um slysahættu og öryggisþætti á vinnustað. Nemendur læra m.a. að finna réttar deilingar í deili, reikna einfaldan vinnslutíma og finna færslur samkvæmt töflum. Nemendur vinna eftir eigin verkáætlun við lausn verka. Þá skulu nemendur læra að meðhöndla og beita þeim mælitækjum sem algengust eru í málmiðnaði og geta unnið almenna spóntökuvinnu innan 0,02 mm málvika.
    SMÍÐ2NH05
    Nemandi skal hafa öðlast þekkingu og skilning á:
    • öryggismálum og umhirðu spóntökuvéla
    • áhrifum skurðverkfæra á afköst og áferð vinnslustykkja
    • muninum á fín- og grófrennsli
    • nákvæmni spóntökuvéla
    • kröfum um samsetningar og yfirborðsáferð
    • áhrifum af hita á efni og samsetningar
    • áhrifum kælivökva við spóntöku
    • gagnaöflun
    Nemandi skal hafa öðlast leikni í að:
    • vinna sjálfstætt á vélum eftir flóknum teikningum
    • fræsa flókna hluti í skrúfstykki
    • nota deilivélar
    • leita að upplýsingum í handbókum og á netinu
    • velja rennistál við hæfi
    • velja fræsa/fræsiplatta við hæfi
    • renna utan- og innanmál með 0,02 mm málvikum
    • skila vandaðri vinnu (gæðavitund)
    Nemandi skal geta hagnýtt þá almennu þekkingu og leikni sem hann hefur aflað sér til að:
    • nýta þá þekkingu sem þeir hafa aflað sér í öðrum smíðaáföngum og beita við lausn verkefna
    • gæta ávallt fyllsta öryggis þegar unnið er við spóntökuvélar
    • gæta fulls öryggis við vinnu og meta aðstæður
    • velja harðmálmsverkfæri ásamt færslu og skurðarhraða
    • velja rétt verkfæri sem henta hverju sinni
    • vinna eftir verkáætlun
    • vinna sjálfstætt við lausn verkefna sem krefjast samþættingu verkþátta
    • gera kostnaðaráætlun
    • nýta töflubækur, viðgerðarhandbækur og almennar leiðbeiningar um það verk sem á að vinna
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.