Í áfanganum öðlast nemandinn grunnþekkingu á loft-, og vökvastýrðum kerfum, meðhöndlun loftsins (raka, síun, hitastig) og uppbyggingu vökva, helstu þætti þeirra, hlutverk og notkunarsvið. Hann þjálfast í stillingu þrýstings, notkun og stillingu tímaliða og hraða. Fjallað er um helstu atriði í uppbyggingu þrepastýrikerfa og raktar teikningar af stýrikerfum.
Nemandinn fær undirstöðuþekkingu og skilning á hlutverki og notkun stýritækninnar, þannig að hann verði fær um að þjóna loft- og vökvastýrð kerfi, setja upp kerfi eftir teikningum og framkvæma einfaldar viðgerðir. Gerðar eru verklegar æfingar í uppbyggingu og notkun einfaldra loft- og vökvastýrikerfa.
VÉLS1GV05
Nemandi skal hafa öðlast þekkingu og skilning á:
táknmyndum sem notuð eru í teikningum samkvæmt ISO-staðli
samhengi flatar, þrýstings og krafts
loftþjöppum og vökvadælum, tjökkum, lokum og öðrum búnaði tengdum loft- og vökvakerfum
öryggisþáttum við meðhöndlun á lofti og vökva undir þrýsting
hraðastillingum strokka
notkun tímaliða (með stillanlegum rof- og tengitíma)
áhvílandi stýrimerkjum
síum og hreinsibúnaði
helstu tegundum lagna, rör, slöngur, festingar og tengi
vökvum sem notaðir eru á vökvakerfi og eðliseiginleikum þeirra (seigju, seigjutölu)
umhverfisáhrifum vökva, förgun og endurvinnslu
helstu aðferðum við hreinsun á lögnum
Nemandi skal hafa öðlast leikni í að:
setja upp og annast tengingar einfaldra stýrikerfa
gera tengimyndir af hálf- og alsjálfvirkum raðferlum strokka
lesa kerfisteikningar og nota handbækur
gera starfsrit samkvæmt tengimyndum
nota handbækur
Nemandi skal geta hagnýtt þá almennu þekkingu og leikni sem hann hefur aflað sér til að:
stjórna loft- og þrýstivökvakerfum á öruggan hátt
lofttæma lokuð vökvakerfi
finna og lagfæra bilanir í loft- og þrýstivökvakerfum
útskýra virkni einfaldra stýrikerfa út frá teikningum
útskýra tengimyndir, starfsrit og stöðurit
meta hvort uppgefnar stærðir á lögnum séu réttar
meta stærð vökvageymis og lagna að honum og frá
meta orkutap í kerfum
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.