Megináhersla er á að efla almenna félagsfærni í skólasamfélaginu og að styrkja nemandann sem einstakling og námsmann. Jafnframt er lögð áhersla á að efla sjálfsþekkingu, sjálfstraust og sjálfsvirðingu nemandans. Áfanginn er einstaklingsmiðaður og séráherslur því mismunandi eftir hverjum og einum.
Engar
Nemandi skal hafa öðlast þekkingu og skilning á:
eigin styrkleikum, hegðun og framkomu
eigin tilfinningum, líðan og gengi
eigin færni og verklagi
Nemandi skal hafa öðlast leikni í að:
tjá sig um eigin líðan
eiga í samskiptum við aðra
fara eftir almennum samskiptareglum
meta eigin framgang
Nemandi skal geta hagnýtt þá almennu þekkingu og leikni sem hann hefur aflað sér til að:
nýta eigin styrkleika og færni í daglegu lífi og í samskiptum almennt
styrkja eigin sjálfsmynd og taka ábyrgð á eigin líðan
bæta eigin vinnubrögð og samstarf við aðra
Námsmat er útfært í kennsluáætlun í samræmi við skólanámskrá.