Áfanginn fjallar um hálfleiðara, sérstaklega helstu gerðir af díóðum (tvistum), virkni þeirra og notkunarmöguleika. Farið er í hvernig nota má díóður í afriðun og kenndar nokkrar leiðir til að umbreyta AC í DC. Einnig er farið í grunnvirkni transistors og hvernig hann er forspenntur og farið í DC útreikninga transistors. Gert er ráð fyrir að nemendur læri einnig á helstu mælitæki svo sem fjölsviðsmæli og sveiflusjá auk þess að nota hermiforrit við mælingar á rásum.
RAFM1GA03AR
Nemandi skal hafa öðlast þekkingu og skilning á:
teiknitáknum díóða og BJT transistora.
virkni díóða og BJT transistora.
helstu gerðum afriðla og virkni þeirra.
í hvað þessir íhlutir eru helst notaðir.
Nemandi skal hafa öðlast leikni í að:
reikna einfaldar rásir með díóðum og transistorum.
reikna út DC spennu á mismunandi afriðlum.
teikna einfaldar rafeindarásir.
nota helstu mælitæki sem notuð eru í rafeindatækni.
nota hermiforrit til mælinga á rafeindarásum.
Nemandi skal geta hagnýtt þá almennu þekkingu og leikni sem hann hefur aflað sér til að:
hanna einfaldar rafeindarásir með díóðum og transistorum.
gera mælingar á þessum rásum og geta reiknað þær til samanburðar á mældum niðurstöðum.
geta skilað af sér skýrslu um mælingar á rásum.
geta framkvæmt mælingar til að ganga úr skugga um hvort íhlutir séu í lagi eða ekki.
Áfanginn byggir á verkefnastýrðu námi. Í símati eru að lágmarki 5 matsþættir. Lágmarkslokaeinkunn er 5.