Í áfanganum læra nemendur að kenna börnum og unglingum undirstöðuatriði í fimleikum. Lögð er áhersla á notkun ýmissa hjálpartækja og fimleikaáhalda. Stefnt er að því að nemendur öðlist grundvallarfærni í greininni. Farið er yfir helstu atriði í þjálffræði barna og mikilvægi þess að færniæfingar, s.s. ýmis stökk séu byggð upp frá grunni. Nemendur öðlist þjálfun í kennslu fimleika hjá börnum.
Nemandi skal hafa öðlast þekkingu og skilning á:
tækniþáttum fimleika
þjálffræði
fimleikareglum
þjálfunaraðferðum
kennslufræði
sögu fimleika
skipulagi á þjálfun
Nemandi skal hafa öðlast leikni í að:
útbúa tímaseðil
framkvæma grunnæfingar í fimleikum
þjálfa fimleika
eiga samskipti við iðkendur og alla þá er koma að íþróttagreininni
Nemandi skal geta hagnýtt þá almennu þekkingu og leikni sem hann hefur aflað sér til að:
dæma á fimleikamóti
geta þjálfað og leiðbeint börnum í fimleiikum
geta búið til þjálfunaráætlanir
Getur farið fram með margvíslegum hætti meðal annars með verklegum prófum, skriflegum lokaprófum, verkefnavinnu. Einnig má meta mætingu og virkni nemenda til einkunnar